Директор

М-р Магдалена Манаскова

М-р Магдалена Манаскова е историчарка и археолог со повеќегодишно искуство во областа на културното наследство. Родена е во Кочани, а академската кариера ја започнува на Филозофскиот факултет во Скопје, каде што дипломира на Катедрата за историја на уметност со археологија. Своето образование го надградува со магистратура по историја на култови и религии на Институтот за национална историја во Скопје.

Професионалната дејност ја започнува во 2009 година како кустос за римскиот период во Локалниот археолошки и историски музеј „Теракота“ во Виница, каде што подоцна извесен период ја извршува и функцијата директор на институцијата. Во својата работа се истакнува со авторство на бројни проекти од областа на културата, кураторство на над 20 изложби и како еден од авторите на постојаната музејска поставка.

Покрај музејската дејност, Манаскова има и активно учество во јавниот живот. Била пратеник во Собранието на Република Северна Македонија во два мандати и претседател на собраниската Комисија за култура.

Од 2024 година е дел од тимот на НУ Археолошки музеј на Република Северна Македонија, каде работи како кустос за интердисциплинарни истражувања. Има учествувано во бројни археолошки ископувања и конзерваторски проекти, како и на домашни и меѓународни научни симпозиуми.

Нејзиниот научен интерес е насочен кон периодот на доцната антика, со посебен фокус на раното христијанство, фунерарната археологија и религиозните и социјални процеси кои придонеле за оформувањето на културните феномени во доцноримската провинциска култура. Авторка е на бројни стручни и научни трудови, како и на една монографија.

Управен одбор

Претседател на УО:

• М-р Иван Малезанов

М-р Иван Малезанов е роден во Охрид. Дипломирал на Катедрата за историја на уметноста и археологија при Филозофскиот факултет на Универзитетот „Св. Кирил и Методиј“ во Скопје, а магистрирал на Катедрата за археолошко наследство на Медитеранот при Факултетот за хуманистички студии на Приморскиот универзитет во Копер, Словенија.

Во изминатата деценија активно учествува на бројни теренски истражувања, како и на иницијативи поврзани со виртуелна реконструкција, дигитализација и промоција на археолошкото и културното наследство. Автор е на повеќе стручни и научни трудови.

Во моментов е вработен во НУ Завод и Музеј – Охрид како кустос – археолог за праисториска археологија и протоисторија.

Членови на УО:

• Филип Аџиевски
• Александар Стојчески
• Миле Бошковски

Сектор за административни, општи и правни работи

Лице за контакт за посредување со информации од јавен карактер:

Наташа Скендерска
Советник за меѓународна соработка
e-mail: nskenderska@amm.org.mk

Органограм

• Кодекс за административни службеници (преземи…)