Виртуелна посета на “100 год. Требениште”
Археолошкиот музеј во чекор со музеите ширум светот 😊 Виртуелната посета на најекслузивната интернационална изложба на овие простори “100 години Требениште” е совршена идеја во овие денови кога сите сме во домашна изолација. Уживајте во мистиката и убавината на наодите од оваа позната некропола. #СедиСиДома и #ПосетиИзложба 👇 https://my.matterport.com/show/?m=1zAEcXfadcX&utm_source=4
Археолошкиот музеј затворен за посетители
Due to the urgent recommendation of the Ministry of Health and the Government of RNM the Archaeological Museum will remain closed for visitors during the next period.
Синија, XIX век
Синија или тепсија изработена од бакар, а прекриена (калаисана) со калај. Калајот бил нанесуван како превентива од труење, бидејки бакарот е токсичен (отровен). Декорирана (изгравирана) со флорални мотиви. Служела за принесување на храна.
Бокал Изник, XVI век
Керамички сад во форма на бокал, кој служел за чување вода и слично. Садот е со бела основа на која има насликано осум галии на стомакот и една на грлото од садот. Трупот на галиите е насликан со зелена и елементи со црвено, додека едрата се со тиркизна и бела боја.
Керамички сад – амфора, IX/X век
Амфората која е изложена во музејот е од посебен тип, бидејки е кратка, тесна во долниот дел и широка во горниот, веднаш под устието. Меѓу стомакот и устието биле поставени 2 кратки рачки.
Дел од ограда за олтарен простор во ранохристијанска црква – базилика, V/VI век
Базиликата е откриена меѓу 1931 и 1934 година, откако на некоја жена од селото и се сонило дека тука има црква. Селаните веднаш почнале да копаат и кога виделе дека тука има голема градба, веднаш се јавиле во Музејот во Скопје за да дојдат археолози и да ја истражат црквата. Била откриена голема рано-христијанска црква – базилика, на чиј источен крај, каде што обично стои олтарот, биле откриени испокршени остатоци од олтарна преграда.
Вотивен релјеф на Диоскурите, II век
Правоаголна плоча на која во релјеф се претставени полубоговите, близнаците Диоскури, Полидевк и Кастор, синови на врховниот бог Ѕевс и Леда, заштитници на коњаниците, патниците и гостите. Демир Капија, античкиот град Стенае, отсекогаш се наоѓал на важни патни линии, па затоа е природно во него да се почитувал овој култ.
Надгробна плоча, II век
Правоаголна плоча која е откршена во горниот дел, каде е сочуван долен дел од натпис: „Крескент, коњаник во царската гарда, по народност од Норик, живееше 28 години, а војуваше 11 години. За изработката се погрижи друг наследник.“
Дел од украс за жена, ран среден век, VII/VIII век
Куклата е облечена во памучна кошула и е загрната со памучна наметка, марама, која во зима била од волна. Таа била закопчана на едната страна со фибула, односно голема игла/брош. Под марамата, заплетена во косата била лента на која виселе големи бронзени наушници, додека на ушите таа носела помали обетки.
Дел од украс за војник и жена од Комани-Крује културата, VII/VIII век
Овој торквес што се носел околу вратот е подобро сочуван. Тој е изработен од бронзена алка обмотана со тенка бронзена лента. Поради долгото носење, веројатно барем околу 100 години или повеќе, торквесот бил оштетен, а лентата која била обмотана околу него отпаднала.