Археолошкиот музеј на Македонија во ноември ќе го одржи отворањето на интернационалната изложба насловена “100 години од откривањето на некрополата Требениште ”. Поради подготовките кои се во тек, вториот кат од поставката на музејот е затворен за посетителите.

Изложбата се организира во соработка со Народниот музеј од Белград и Националниот археолошки институт и музеј при Бугарската академија на науки во Софија и ќе биде прва изложба од ваков тип на овие простори.

Преку оваа заедничка изложба на Р.Македонија, Р.Бугарија и Р.Србија, ексклузивните наоди од ова наоѓалиште кои се денес изложени во музеите во Софија, Белград и Охрид за прв пат во историјата ќе бидат претставени како целина,  а изложбата по претставувањето пред македонската јавност, во 2019 година ќе биде поставена во Софија, а потоа и во Белград.