Археолошкиот музеј се приклучи во хуманитарната акција организирана од здружението Љубезност Вистински Дела На Љубезност Real acts of kindness за одбележување на Светскиот ден на гладта (16 октомври) и Светскиот ден за борба против сиромаштијата (17 октомври).
Освен донираната облека од страна на вработените, за оваа хуманитарна акција Археолошкиот музеј одвои и средства за набавка на храна и средства за хигиена.
Глобалните проблеми како гладот и сиромаштијата нема да се искоренат без нашата секојдневна солидарност и дадена помош на оние на кои им е најпотребна. Затоа, апелираме сите граѓани и сите институции да дадат свој придонес за подобрување на условите за живот на оваа маргинализирана категорија на луѓе во текот на целата година.
