На 27 октомври, 2017, во 19 часот, во НУ Археолошки Музеј на Македонија ќе се отвори третата по ред изложба на работни археолошки фотографии под наслов “Archaeology in progress” Vol.3, во организација на Институтот за Археолошки Истражувања – Скопје. Целта на оваа изложба е да се промовира археологијата преку фотографии од археолошките истражувања на локалитетите низ Република Македонија и Европа.

Во изложбата учествуваат фотографии од археолози, студенти по археологија од земјава и странство, фотографи, но и од љубители на археологијата и фотографијата кои учествувале на археолошки истражувања. За организирањето на оваа изложба Институтот за Археолошки Истражувања објави конкурс, а од пријавените ќе се одберат 30 најдобри фотографии, кои ќе бидат претставени на изложбата во Археолошкиот музеј на Македонија. Со помош на стручното жири во состав: Кристијан Тодоров (професионален фотограф) и Ѓорѓи Трпевски (фотограф и камерман во МРТВ), како и со гласање на Facebook страницата на Институтот, ќе се одберат три најдобри фотографии за кои ќе бидат доделени симболични награди.

Од првото промовирање во 2012 година до денес оваа изложба доби и меѓународен карактер, а заради се поголемиот интерес што го привлекува има за цел да стане и традиционална. Проектот е финансиран од Националната програма за култура за 2017 година на Министерството за Култура на Р. Македонија, а е поддржан од НУ Археолошки Музеј на Македонија.

Изложбата ќе биде отворена за посетителите на НУ Археолошки Музеј на Македонија до месец декември.